چوار شەممە, 28 حوزەیران 2017

حەپسە خانی نەقیب

هەڵسەنگاندنى بەکارهێنەر: 0 / 5

Star InactiveStar InactiveStar InactiveStar InactiveStar Inactive
 

حەپسە خانی نەقیب، ژنێكی سیاسەتمەدا و خێرخواز و چالاكوانی مافی ژنان بووە، كچی مەعروفی بەرزنجی و نەوەی كاك ئەحمەدی شێخە، ئامۆزای شێخ مەحمودی حەفید و هاوسەری شێخ قادری حەفیدی برای شێخ مەحمود بووە، لەساڵی 1891 لەسلێمانی هاتۆتە دنیاوە ، مەعروف بەرزنجی باوكی نەقیب بووە ، ئەم پلەیەشی لەلایان حكومەتی عوسمانیەوە پێبەخشراوە لەبەر ئەوەی نوێنەری سادات و شێخان بووە.

دیوەخانەكەی حەپسەخان هەردەم پرَبووە لەژنانی سلێمانی و دەوروبەری ، هەر ژنێك تووشی كێشەیەكی كۆمەڵایەتی یان دارایی دەبوو یان زۆری لێدەكرا، پەنای ئەبردە بەر حەپسەخان و ماڵەكەی خۆشی كردبوو بە خوێندنگا بۆ ئافرەتان.

حەپسەخانی نەقیب یەكەمین قوتابخانەی ئافرەتان بووە لەسلێمانی و هەموو كوردستان، ژنان لەو مەڵبەندە هەستی كوردایەتیان دەورووژا و بیری ڕامیاریان لەلا پەروەردە دەبوو.

لە 28 ی حوزەیرانی 1930 یەكەمین كۆمەڵەی ژنان بەناوی كۆمەڵەی ئافرەتانی كورد بە سەرۆكایەتی حەپسەخانی نەقیب دامەزراوە و بارەگای تایبەتیشیان هەبووە.

بێگومان دامەزراندنی كۆمەڵەیەك لەلایەن ژنێكەوە بۆ داكۆكیكردن لەماف و داواكانی ژنان لەناوەڕاستی نیوەی یەكەمی سەدەی ڕابردوو، نمونەیەكی كەم وێنەیە، تەنانەت لەو ڕۆژكارەی خۆرهەڵاتی ناوەڕاستیشدا.

ساڵی 1930 نامەیەكی سیاسی مێژوویی بۆ ڕێكخراوی كۆمەڵەی نەتەوەكان لە جنێڤ نووسی و ڕاشكاوانە داوای مافی كوردی كرد لەسەر خاكی كوردستان، كە دەنگێكی باشی دایەوە.

كاتێك كە كۆماری مەهاباد دامەزرا، حەپسەخان بەهەموو توانایەكی دارایی پشتگیری ئەو كۆمارەی كرد و قازی محەمەد سوپاسنامەیەكی تایبەتی بۆ نارد و ڕێزێكی زۆری لێنا.

لەتەمەنی 62 ساڵیدا لەڕۆژی 12 ی نیسانی 1953 بەنەخۆشی شێرپەنجە گیانی سپاردوو لە گردی سەیوانی شاری سلێمای بەخاك سپێردرا

یه‌كێتیی ئافره‌تای كوردستان

Email:

به‌ڕێوبه‌ره‌ی ماڵپه‌ڕ

نه‌سرین حه‌سه‌ن