سێ شەممە, 26 ئەیلول 2017

ئافرەت كانیەكا پری قوربانیە

(هەلز عەلی سەلیم)

ریفراندۆم وەك پرسەكا گرنگ بۆ ئەنجامدانا پرۆسیسەكا دیموكراسی و تاكە رێكا ئاشتیێ‌ بۆ بدەستڤە ئینانا مافێن مللەتەكێ‌ بن دەست، نوكە ژی خەلكێ‌ هەرێما كوردستانێ‌ داخوازا جودا بوونێ‌ ژ عیراقەكا بێ‌ سەروەری و خودان دەستهەلاتەكا تایفی و عنسری دكەت، دڤێ‌ پرسێ‌ دا ئافرەتا كورد ژێ‌ بێ‌ بەهر نەبوویە، جونكو ددیرۆكا مللەتێ‌ كوردا مل بملێ‌ قەهرەمانێن مللەتێ‌ خو قوربانی دایە و بەردەوامی دایە شۆرش و خەباتا خۆ، ئافرەتێَن كوردستانێ‌ رۆلەكێ‌ نیشتیمان پەروەرانە نیشاندایە و دشەرێ‌ دژی تیرۆرێ‌ دا ژ سالا 2014ێ‌ تا ئەڤرۆ، چ ل نامالیا خۆ یان ل چەپەرین شەری بەردەوام بوویە و بەرەڤانی ژ ئاخا كوردستانێ‌ كریە ب مورالكرنا پێشمەرگەیی و ب هەلگرتنا جەكی و ب نڤیسینا و قەلەمێ‌ خۆیێ‌ شۆراشگێرانە، لەوا ئافرەت كانیەكا پری قوربانی یە بۆ پاراستنا پیرۆزیێن مللەتێ‌ كورد و باوەرم دێ‌ رۆلەكێ‌ هەرە گرنك و مەزن د پرسا ریفراندۆم و سەربەخۆیا كوردستانێ‌ دا هەبیت، كۆ چەوا ل بەری نوكە ژی رۆلێ‌ خۆ یێ‌ پیرۆز و ب بەرپرسانە دیتی و ب دلسۆزانە پرێڤەبری.

ریفراندۆم وەك پرسەكا نشتیمانی-نەتەوەیی ب هیچ رەنگەكی گرنكی ب چ لایەنێن سیاسی ڤە نینە، لەوا ب باوەرم دێ‌ برەنگەكێ‌ دیتر سەرەدەری دگەل ڤی پرسا چارەنڤیسی ئێتە ئەنجامدان و ئافرەت ژی ژلایێ‌ خۆ خودان ئینتمایەكا نەتەوەیی نە و ڤیانا وەلاتی پری هەست و گیانێ‌ وانە و باوەرم دێ‌ ب دلسۆزانە پێشتەڤانیێ‌ ل ریفراندۆمێ‌ كەن و دێ‌ كار ژی لسەر كەن ژبۆ سەر ئێخستنا ڤێ‌ پروسێ‌.

 

یه‌كێتیی ئافره‌تای كوردستان

Email:

به‌ڕێوبه‌ره‌ی ماڵپه‌ڕ

نه‌سرین حه‌سه‌ن