سێ شەممە, 26 ئەیلول 2017

۲٥ـ۹ ڕۆژی کەرنەڤاڵی سەربەخۆیی

تاڤگه‌ مجید

پاش ئەوەی وابڕیارە لە ۲٥ ی سیپتەمبەر ڕۆژی ئەنجامدانی گشتپرسی بێت لە کوردستان تا دێت پشتیوانیەکان وگەرموگوڕی جەماوەری زیاتر و بەجۆشتر دەبێت تادێت ئەو دەنگانەی دەیانووت نەخێر

کز تر و بەرەو کاڵبوونەوە دەچێت ،چونکە گەلی ئێمە وەک گەلێکی ستەمدیدە ئەو مێژووە تاڵ وسەختە وەها بەسانای لەبیر ناکات هەرچەند ناڕازی بێت هەرچەند گلەی لەزۆر لەبابەتەکان هەبێت لەوە تێدەگەن کە ئەم ڕۆژە مێژووییە وەک جەژنی ڕاستەقینەی کوردان ببینن وبەوپەڕی حەماس و دڵگەرمی و جۆشەوە دەچنە سەر سندوقەکان وبەڵێ دەڵێن،میللەتێک کەهیچ کات ژێردەستەی و بەکەم سەیر کردنی قبووڵ نەکردووە وە ئێستاش کە گەلەکەمان لەبەردەم ئەم ئەزموونەدایە پێشمەرگە ئاسا دەبنە پارێزەری خوێنی شەهیدان و پارێزەری خاکی پیرۆزی کوردستان ودەستکەوتەکانمان ئەو ژمارە کەمەی خەڵکیش کە دژایەتی ڕیفراندۆم دەکەن یان بۆچوونیان دەگۆڕن یانیش بینەری سەرکەوتنی ڕیفراندۆم دەبن وە بۆ هەمیشە بە شەرمەزاری ژیان دەکەن لەکوردستانی سەربەخۆدا چونکە مێژوو خۆی دەنوسێتەوە وە نەنگییە کوردێک بە زمانی کوردی پاش ئەم هەموو غەدرە مێژووییەی لەژێر دەسەڵاتی کۆڵۆنیالستی بەرامبەری کرا هێشتا کار بۆ پاراستنی یەکپارچەی عیراق بکات و برا بچووکی و پلە دووی بە باش بزانێت کورد وەک میللەتێکی شکۆدار وخاوەن ئیرادە نابێت ئەم سەروەرییە لەدەست بدات لەپێناو بەرژەوەندیەکی مادیی یان پۆست و پلەو پایە جارێکی تر ببێتەوە بە شەریکی عیراق ،عێراقێک ناتوانێت خۆی بەڕێوە ببات چ جای خۆشگوزەرانی بۆ کورد بێنێت ، واباشترە هەمووان چاو بکەنەوە باشتر درک بەو ڕاستییە بکەن کە شکۆتان زۆر پیرۆز ترو گرنگترە لەو بەرژەوەندییە کەسییەی هەتانە ،وە دڵنیا بن بە دژایەتی کردنی ڕیفرادۆم نەک لەکوردستان بێبەش دەبن لەم سەروەرییە زیاتر بچووک دەبنەوە لەچاوی دەسەڵاتدارانی عیراق و ئەو ووڵاتانەی برا بچووکیان بۆ دەکەن ،چونکە کەسێک دژی ماف و خاک و پیرۆزییەکانی خۆی بێت هەرگیز نابێتە جێی متمانەی هیچ کەس بۆیە هێشتا زووە وەرنە ڕیزی نیشتمانپەروەران و ڕۆحی شەهیدان ئاسوودە بکەن .. لەئێستاوە بەڵێ بۆ ۲٥ـ۹ بەڵێ بۆ کەرنەڤاڵی سەربەخۆی کوردستان.

ئەو بابەتە لە ژمارە 4 بلاوكراوەی بەڵی تایبەت بە یەكێتی ئافرەتانی كوردستان بڵاوكراوەتەوە 

 

یه‌كێتیی ئافره‌تای كوردستان

Email:

به‌ڕێوبه‌ره‌ی ماڵپه‌ڕ

نه‌سرین حه‌سه‌ن