شەممە, 19 ئاب 2017

خانەوادەی شەهیدو ئەنفالەكانی چەمچەماڵ : دەنگدان بە بەڵێ‌ بۆ سەربەخۆیی كوردستان نواندنی وه‌فایه‌ بۆ خوێنی شەهیدان

خانەوادەی شەهیدو ئەنفالەكانی چەمچەماڵ داوا دەكەن دەنگدان بە بەڵێ‌ بۆ سەربەخۆیی كوردستان نواندنی وه‌فایه‌ بۆ خوێنی شەهیدان .
چەمچەماڵ یەكێكە لەو شارۆچكانەی كە بەر شاڵاوی ئەنفال كەوتووە لە لایەن رژێمی بەعس، لە هەموو مەینەتیەكانی كەبەسەر كورد هاتووە ئافرەت قوربانی بووە، بۆیە كەسوكاری شەهیدان بۆ ئاسوودەكردنی ڕۆحی شەهیدان داوا لە ئافرەتان و گشت كوردستانیان دەكەن دەنگ بە بەڵێ‌ بدەن بۆ سەربەخۆیی كوردستان.
ئامینە مستەفا:
وەكو خێزانی ئەنفالكراوێك داوادەكەم هەموو ئافرەتان بەیەك دەنگ و ڕەنگ بچینە سەرسندوقەكانی دەنگدان و بڕیار لەسەر سەربەخۆیی كوردستان بدەین چونكەوەك هەموو وڵاتان مافی خۆمانە و كاتی ئەوە هاتووە هەموومان پاڵپشتی بڕیارەكەی جەنابی سەرۆك بكەین.
خانم حوسێن : من كە خاوەنی شەهیدو ئەنفالم بۆئەوەی لەژێر دەسەڵاتی حكومەتی عیراق دەربچم و خوێنی شەهیدان بەفیڕۆ نەڕوات دەنگ بە بەڵی دەدەم و داوا لەهەموو هاوڵاتیەكی كوردستانی دەكەم دەنگ بە بەڵێ‌ بدەن بۆ ئەوەی ببینە دەوڵەت.


جوان محەمەد:
بۆئەوەی وەك هەموو ووڵاتانی تر خاوەن ئاڵاو خاكی خۆمان بین و جارێكی تر نەكەوینە ژێر زەبروزونگی زۆردارەكانی بەعس و جارێكی تر ئەنفال نەكرێینەوە با هموومان دەنگ بە بەلێ‌ بدەین بۆسەربەخۆیی كوردستان.

ئامینە حەمید:
وەكو خاوەن شەهیدێك بە خوێن دەنگ بە بەڵێ‌ دەدەم بۆ سەربەخۆیی كوردستان، بۆ ئەوەی شەهیدەكانمان ئاسوودەبن و دەمانەوێت لەسەر دەستی جەنابی سەرۆك دەوڵەتی كوردستان ڕابگەیەنرێت.
نیگار مەحمود:
دەنگ دەدەم بە بەڵێ‌ بۆئەوەی خاوەن كیانێكی سەربەخۆبین وەك هەر ووڵاتێكی تر، بەهیوای سەربەخۆیی هەرچوارپارچەی كوردستان.
خاتوو سوهام:
من بۆیە دەنگت دەدەم بە سەربەخۆی کوردستان شەهید و ئەنفالم هەیە تاکەی ئێمە هەر قوربانی بدەین بۆیە دەنگ دەدەم بەبەڵێ‌ تا وڵاتێکی سەربەخۆو ئازاد بین لەدەستی وڵاتانی تر نەمێنینەوە

فاتمە علی
لەبەر ئەوەی دەنگ دەدەم بە سەربەخۆی کوردستان جەن ساڵە کورد دەکوژرێت لەسەر خاکی کوردستان ئێستاش دەنگ دەدەم تاكو کوردستان سەربەخۆ بێت
ئەو دیمانەیە لە رۆژنامەی "بەڵێ‌" تایبەت بە یەكێتی ئافرەتانی كوردستان بڵاو كراوەتەوە

یه‌كێتیی ئافره‌تای كوردستان

Email:

به‌ڕێوبه‌ره‌ی ماڵپه‌ڕ

نه‌سرین حه‌سه‌ن