یەک شەممە, 24 ئەیلول 2017

ئافرەتێن کوردستانێ ل دهۆکێ دبێژن: ئافرەتێ رۆلەکێ مەزن بۆ سەرئێخستنا ریفراندۆمێ هەیە وەکو هەموو پرسێن نەتەوەیی


ژن هەر دەم هەڤکارا زەلامی بوویە ژبۆ بدەستڤەئینانا هەموو مافێن مللەتێ کورد، ئەڤرۆکە ژی وەکی هەر جار یا قوربانێ ددەت پێخەمەت پاراستنا دەستکەفتێن مللەتێ کورد و پشکدار و هاندانا وێ بۆ خەلکی ژبۆ پرسا ریفراندۆمێ کارتێکرنەک بەرچاڤ هەیە، لەوا ئافرەتێن جالاکڤان دڤێ راپورتێ دا بەحس ل ریفراندۆمێ دکەن.
بەلێ: هەلز عەلی سەلیم- دهۆک
رۆژنامەڤان زەری نەوزاد گۆت: ئەنجامدانا راپرسیێ یان ریفراندومێ ل دەمەکی دا کو مللەتێ کورد ب درێژاهیا مێژویێ دا کار ژ بوی سەربەخوییا گەلێ خوە کریە و د قوناغەکێ دا کو شەر دژی مەزنترین رێکخراوا تیرورستی کریە گهورینێن مەزن ل ڤێ ناوچێ رویداینە و ئەنجامدانا ریفراندومێ د ڤێ قوناغێ دا گرنگی و سەنگەکا جودا دێ هەبیت ژ بوی ناساندنا ناسناما نەتەوی رەوشەنبیری و مێژوییا گەلێ کورد پرسا ریفراندومێ پرسەک نەتەویی یە و هەر خزبەرک یان لایەنەک بەرامبەر ڤێ یەکێ راوەستیت دێ مێژوەک خراب تومار کەت، پێدڤیە ل سەر حزب و ریکخراوین جەماوەری خوە ل رەوشەنبیرکرنا هەموو تەخێن جڤاکی بکەن خودان و بۆ خەلکی ب تێر و تەسەلی بەحس بکەن، ئەنجامدانا ریفراندومێ هەمی دەمان رامانا راگەهاندنا دەزلەتەکا سەربەخو نادەت بەلکو ل دەمێ کو دوو گەل د گەهنە وێ باوەرێ ئێدی نەشێن ب هەڤرا د بن سەروەریا ئێک وەلات دا بژین و گەلەک ژ وان بریارا ریفراندومێ ددەت ب دیتنا من ئەڤە باشترین دەلیڤەیە بو مللەتێ کورد هاتیە رەخساندن.
نەهلا ئەمبارک، ئەنداما ئێکەتیا ژنان ل دهۆکێ خویا کر: ئەنجامدانا ریفراندۆمێ گەلەکا گرنگە بو مللەتەکێ بێ دەولەت وداخوازیا ئازادی و سەربەخویی بکەت برێکێن یاسا و شەرعیو لژێر چاڤدێریا نەتەوەیێن ئێکگرتی و نیڤدەولەتی، هەر دەم دبێژم بەلی ریفراندۆم مافەکی هەموو نەتەوەیەکێیە، جونکی کوردستان ب بریارەکا سیاسی دابەشکریە، بیگۆمان ماڤێ هەر تاکە کەسەکی یە داخوازیا ئازادی سەربەخویا خۆ بدەت و دەنک بو سەربەخویی وەلاتێ خۆ بدەت، لەوا ژنێ رۆلەکێ گەلەک گرنگ بو هەر نەتەوەیەکێ هەیە، جونکی ژن نیڤا جڤاکی یە و دایکا نیڤا دیترە و باوەرم دێ ژن رۆلەکێ مەزن بۆ سەرئێخستنا ریفراندۆمێ گێریت وەکو هەموو پرسێن نەتەوەیی.
چالاکڤان دبوارێ ئافرەتاندا هەیفا دوسکی گۆت: جاری کرنکه حزب و لایه نێن سیاسی بابەتی ریفراندومی بو ملله تی وەک برۆزە رۆهن بکەن جونکی جارەنڤیسێ مله تی مه بێڤه کریدایه و پێدڤی ب هندی یه بهیته شرۆڤەکرن، خالا دی یا گرنک ئەوە هەر بارتەکا بتر بالبشتیا ریفراندومی بکەت ئەو دبیته ریبەراتیا وەلاتی، ئانکو راوه‌گرتنا مه‌له‌تی ل سه‌ر بابه‌تێن هەرە گرنگ و چاره‌نڤیس، نه‌ک سه‌رکرده‌ ب ئیک بریار بده‌ت به‌لکو سه‌رکرده‌ و رێبه‌ران ئه‌و ده‌گه‌ه دانایه‌ نه‌کو ب خه‌له‌ت دا بچن ب ڤێ رێکێ رایا مله‌تی وه‌ربگرن، جونکە ماف و ئه‌رکێن وه‌لاتیان ده‌ست نیشان دکه‌ت و ریفراندوم ل سیسته‌مێ وه‌لاتی دهێته‌ کرن نه‌ک بریارا ئێک پراته‌کێ ب بیته‌ زوری نه‌ به‌لکو رایا گه‌لی و گه‌ل بخو بریارا چاره‌نڤیسی خو بده‌ت ب چ ئاوایی بیت له‌ورا ژی بارتی دڤێت هه می لایەن ملین خو بدەنە بەر و بشته فانیێ لێ بکەن.
هەیفا دوسکی گۆت ژی: پارتی نها سه‌رکێشا ئه‌وێ هزر و بیروباوەریا پرۆژه‌یی یه‌، له‌ورا پارتی نه‌ڤێت ب بریارا ئیک لایه‌ن بده‌ت و نه‌کو هنده‌ک که‌س بکه‌نه‌ بهانه‌یا، ئه‌وێ چه‌ندێ کو پارتی خو سه‌ر وێ چه‌ندێ دکه‌ت له‌ورا باشترین رێک بۆ وێ چه‌ندێ ئاراسته‌کرنا وی پرۆژه‌ی لێ لایێ مله‌تی یه‌ بو فی قوناغی ریفراندوم گرنگه‌ زور لی چه‌نده‌کا گرنگه‌ هند یا پێدڤی ب ئیک رێز و ئیکده‌نگیا هه‌مو پارتان ژی هه‌یه‌ چونکو هه‌که‌ ئاشته‌وایا نیشتمانی نه‌بیت ره‌نگه‌ ئه‌ڤ پرۆژه‌ ل هه‌ڤکاریا ده‌وله‌تێن دوژمن بهێته‌ ژناڤبرن.
رۆژنامەڤان یەمان محەمەد،ئه‌ندامیچ ئێکگرتوویی ئیسلامی ڤە دەربارەیی ڤێ پرسێ راگەهاند: دگەرم و گوریا گۆرەپانا سیاسیدا ل کوردستانێ و ل وەلاتێن بیانی بەحسکرنا لسەر ریفراندۆمێ و هەر لایەنەک لدووڤ تێگەهشتنا خۆ ڤێ پرسێ شرۆڤە دکەت، لەوا گرنگە ریفراندۆم بهێتە ئەنجامدان، جونکی مافێ رەوایێ هەر مللەتەکی یە و هەر کەسەکێ کوردینیا وی یا زال بیت بێگۆمان دێ پێشتەڤانیا ریفراندۆمێ کەت، ژبەر ئەڤە پرسەکا نەتەوەیی یە و مولکێ هیچ حزبەکێ نینە، لەوا مللەتێ کورد ژی وەک هەر مللەتەکێ دیتر مافێ دەولتبوونێ هەیە و نەڤێت دگەل چ نەتەوەیێن توندرەو بژیت مینا (عەرەب و تورک و فرس)ا، دیسان نابینم دڤێ قۆناغێ ئەم خۆ گیروتر لێ بکەت ددیارکرنا چارەنڤیسێ مللەتێ خودا، دهەمان دەمدا گرنکتر نینه ژهندێ کۆ خەلک بریارا جارەنڤیسێ خۆ بدەت و ئەگەر بەحسی کارا کرنا پەرلەمانی بکەن، خۆ پەرلەمان ب دەنگێ جەماوەری ژ کار نەکەفتیە لێ ب بریارێن سیاسی بوویە، لەوا جارەنڤیسی مللەتەکی گۆری پوستەیی یان پلەیەکێ نەکەن.
خەلک دڤێ قۆناغێ دا هەست ب گرنگیا ڤێ بریارێ ناکەت، ژبەر هەربوونا قەیرانان، لەوا گرنکە دەستهەلاتا سیاسی هەر وی تشتی ئینجامبدەت یێ د قازانجا خەلکی دا، دا خەلک هەسن ب هەبوونا گرنگیا بریارا خۆ بکەت و ب تایبەت ژنێ، جونکی پشکداریا ژنێ دڤێ پرسێ دا سەرئێخستنا وێ یە، ژبەر جڤاک هەموو لبن دەستێ وێ ئاڤا دبیت و سەنگا خو هەیە و قوربانیەک مەزن د هەموو بوارێن ژیاندا دایە ددیرۆکا مللەتێ کوردا.
سەرکەفتن و پشکداریکرن دریفراندۆمێ دا نەبتنێ مافە، بەلکو ئەرکێ هەر کوردپەروەرکی یە پشکدار ببیت ب تایبەت پشتی جوکرافیا مە ب خوینا شەهیدان هاتیە دەست نیشان کرن، گرنگ بۆ

بەری چەند سالان ئەڤ بریارە هاتبایە دان و دا ئەڤرۆ دەولەت باین

ئەو راپۆرتە لە ژمارە 3 بلاوكراوەی "بەلێ‌" تایبەت بە یەكێتی ئافرەتانی كوردستان بڵاوكراوەتەوە .

 

یه‌كێتیی ئافره‌تای كوردستان

Email:

به‌ڕێوبه‌ره‌ی ماڵپه‌ڕ

نه‌سرین حه‌سه‌ن