یەک شەممە, 24 ئەیلول 2017

لە سلێمانی كەمپینی پشتیوانی لە ریفراندۆم راگەیەندرا

یەکێتی ئافرەتانی کوردستان/ ئەنجومەنی پارێزگای سلێمانی ئەندامی دەستەی ئامادەکاری و سەرپەرشتیاری کەمپینی پشتیوانی رێفراندۆم بوون کە ئەمرۆ ڕێکەوتی ۱۳/۹/۲٠۱۷ لە کتێبخانەی دەزگای جمال عیرفان بە ئامادەبونی میدیاکان ڕاگەیاندرا.
پێکهاتەی کەمپینەکە زیاتر لە ۲۸ ڕێکخراوی کۆمەڵی مەدەنی و کەسایەتی ئەکادیمی وکۆمەڵایەتی کاردەکەن پێکەوە بۆ سەر خستنی دەنگی بەڵێ بۆ سەربەخۆیی کوردستان
بە کۆمەڵێک چالاکیی هەمە ڕەنگ تا ۲۲ی ئەیلول بەردەوامی دەبێت. چالاکیەکانیش بریتین لە :
۱ـ سەردانی کردنی مەزار هەموو شەهیدانی کارەساتە یەک لەدوای یەکەکانی بەسەرماندا هاتوە
۲ـ کارکردن لە گەڵ لایەنە پەیوەندی دارەکان بۆ هاندانی هاوڵاتیان بۆ بەرزکردنەوەی ئاڵای کوردستان لەسەر شوێنە گشتیەکان.
۳ـ ئامادەکردنی دەلیل.
٤. ساز کردنی کەرنەڤاڵێک لە ڕۆژی ۲۱/۹/۲٠۱۷
ئەم کەمپینە لە هەموو دەنگ وڕەنگە جیاوازەکان پێکهاتووە بەڵام دورە لە بەرژەوەندی حزبایەتی وتەنها کار بۆ سەرخستنی سەربەخۆیی کوردستان دەکات و دەرگاش واڵایە بۆ هەر ڕێکخراوێک یان کەسێک بیەوێت هاوکار بێت بۆ چالاکیەکانی ئەم کەمپینە.
بەیاننامەی کەمپینی پشتیوانی رێفراندۆم
لەم قۆناغە مێژووییەدا کە بەرەو وەرچەرخانێکی گرنگ لەرووی مافی بەدەوڵەتبوونی هەرێمەکەمان دەرۆین، هەڵسەنگاندمان بۆ بارودۆخی ئابووری وگوزەرانی خەڵک بەدەرنیە لە دەربرینی بیرورای جەماوەری هەرێمی کوردستان بەڵام ئەمەش ناگاتە ئاستی قوربانیدان بە مافی لەدەستدانی بەدەوڵەتبوون.
لەسەر ئاستی نێودەوڵەتی هیچ وڵاتێکی ناوچەیی و جیهانی بە فەرمی راینەگەیاندووە لەئەگەری دروستبوونی دەوڵەتی کوردستاندا پەیوەندیەکانیان بپچرێنن یاخود ئابڵوقەی ئابووری بخەنە سەر هەرێمی کوردستان، یان بریاری کشانەوەی باڵێوزخانە و نوێنەرەکانیان بدەن.
ئێمەش وەک ژمارەیەک لە رێکخراوەکانی کۆمەڵگەی مەدەنی،کەسایەتی ئەکادیمی، نوسەرو رۆشنبیرو میدیاکاران ئەم کەمپینەمان سازکردوە بە ئامانجی پشتگیریکردن لەسەرکەوتنی پرسی رێفراندۆم کە میکانیزمێکە بۆ دامەزراندنی دەوڵەتی کوردستان. ئەمەش بە ئەرکی هەموو هاونیشتمانیان دەزانین بەبێ گوێدانە ئایدۆلۆژی جیاوازی ئاین و پێکهاتەکان بەشداری بکەن لەو پرسە نیشتیمانیەدا.
لەم سۆنگەوە، داواکارین لە سەرجەم هاونیشتمانیان ولایەن و پارتە سیاسیەکانی هەرێمی کوردستان لەم ئەرکە نیشتمانیەدا کەمتەرخەم نەبن و بەشداربن بە دەنگی بەڵێ لە رێفراندۆمدا بۆئەوەی جارێکی دیکە میللەتەکەمان رووبەرووی کۆمەڵکوژی و کیمیاباران نەبێتەوە و با خوێنی شەهیدانمان بەفیرۆنەچێت کە لە پێناو ئازادی و سەربەخۆبوونی کوردستاندا رشتوویانە.
ئەوە روون بێت لە لامان لەدەستدانی ئەم قۆناغە ئۆباڵەکەی لە ئەستۆی هەمووماندایە و نابێت رێگە بدەین ململانێ سیاسیەکان ببنە فاکتەرێک بۆ لەدەستدانی هەلە مێژووییە.
بژی کوردستان.... بژی کوردستانیان
دەستەی ئامادەکاری کەمپینی پشتیوانی رێفراندۆم
سلێمانی ١٣/٩/٢٠١٧ناسك سةعيد

یه‌كێتیی ئافره‌تای كوردستان

Email:

به‌ڕێوبه‌ره‌ی ماڵپه‌ڕ

نه‌سرین حه‌سه‌ن